Tuesday, March 23, 2010

Paninindigan

Kapag dumarating ang election, lagi kong naaalala ang isang taong nakilala ko minsan. Empleyado sya ng isang company na client namin dati. Maraming taon ko na syang di nakikita at nakalimutan ko na pangalan nya at mukha. Pero ang hinding hindi ko makakalimutan ay ang walang ka kwenta kwenta nyang prinsipyo sa buhay pag dating sa politika.

Nagkataong election din noong nagkakilala kami. Habang nag mimiryenda, napunta sa politika ang usapan namin. Napag usapan namin si Candidate A at Candidate B. Parehas naming gusto si Candidate A dahil sa tingin namin ay matalino sya, hindi corrupt at maraming magagawa sa bansa natin. Parehas din ang pananaw namin kay Candidate B. Si B ay maraming asawa, lasengero at napakahilig sa sugal. Pero ang kinagulat ko ay noong sabihin ng kausap ko na si 'B' and iboboto nya at hindi si 'A'. Nagtanong ako ng 'Bakit?'. Alam nyo po ba ang sagot nya? "Bakit ko pa iboboto si A? eh hindi naman sya mananalo. Si B ang siguradong mananalo kaya sya ang boboto ko. Useless lang naman din kung si A ang iboboto ko kasi kolelat sya sa survey". Nanlaki mata ko sabay kamot sa ulo. I was still very young when that happened kaya tumahimik na lang ako.

Siguro kung ngayon nya sa akin sasabihin ito. Malamang mag kakausap kami ng mahaba haba. It is very sad that some of the people here in our country think this way. Kung lahat siguro ng tao ay tumatalon sa bangin, malamang ay tatalon din sya. Siguro kung popular ang mag bigti ay mag bibigti rin sya. Siguro kung susundin ko ang logic nya malamang ay patay na ako. Lahat naman tayo mamamatay diba? So bakit pa tayo gigising, kakain at mag ta-trabaho? Humilata na lang tayo at antayin ang kamatayan natin. Kasi useless naman din diba? Mamamatay rin naman tayo.

Kung meron ka kasing paninindigan. Kahit gaano pa ka popular ang isang kandidato. Kung sa tingin mo ay hindi sya karapat dapat. Hindi mo sya iboboto. Kahit na sinasabi ng buong mundo na sya ang mananalo sa election, pero alam mo naman na sya ay sugarol, babaero at lasinggero. Hindi mo sya iboboto dahil siguradong nanakawin nya lang ang pera ng bayan para pang gastos sa mga ito. Yung ibang kababayan kasi natin ay hindi na rin bomoboto kasi sabi nila "Bakit pa ako boboto eh dadayain rin naman ni Candidate B ang halalan". Kahit sabihin pa nating dadayain pa nya ang election . At lease, we did our part. Kung gumawa man sila ng kalokohan ay labas na tayo dun. Sila na ang sasagot noon sa Dios at sa batas.

Kaya rin siguro merong limit ang number of minutes na commercial sa TV dahil madaling ma uto ang mga kababayan natin. Kung ako lang, hahayaan kong walang limit ang advertisement sa TV. Because no matter how many hours of commercial they put there, I already have made up my mind on who I am going to vote. There is no TV commercial that can persuade me to vote for the undeserving candidate. Hayaan nating lustayin nila lahat ng yaman nila. But sad to say, maraming kababayan natin ang pwedeng daanin sa advertising at sabi sabi lang.

If you are going to vote. Please vote for the candidate that will do something to better our lives. Yung merong mahabang karanasan sa public service. Hindi yung parang kabote na lang na susulpot pag panahon na ng election tapos panay ang pa pogi at pa cute. Yung iba kasi, hindi yata naging barangay captain man lamang. Presidente ng Pilipinas kaagad ang gusto. Parang nagising lang ng isang umaga at sinabi sa sarili "Mag pe-presidente ako".

I am looking forward on this coming election positively. Specially with the computerization and all. But I hope that all of us Filipinos will vote more responsibly and wisely.

2 comments:

Markus said...

Well said, Gio. Inis nga rin ako sa ganyang mindset eh. Parang karera lang tuloy yung eleksyon na mas okay "tumaya" run sa mananalo kahit di nila gusto yung kandidato mismo.

Sana nga, maging mas matalino na ang mga botante ngayon at di magpadala sa mga pangako, mga jingles, at endorsement ng mga artista.

Bumoto ayun sa konsensya at hindi ayun sa surveys.

Gio Paredes said...

@Markus.. Korek ka jan. :D
Sana nga manalo ang napili nating kandidato natin. :-)